 |
Gloppe-trim nr 4
78 trimmarar møtte i Bukta på 16.mai-kvelden, noko som var uventa bra. Vi hadde rekna med at stryking av bunadskjorter og golvvask stod høgt på programmet, men mange hadde tydelegvis planlagt godt, og kom seg ut på trim-tur.
Resultat frå 4. trimkveld ligg no under:
Les hele saken... |
|
|
|
Æresmedlem Leiv Bakketun er død
 Ein av æresmedlemene i Fjellhug/Vereide il, Leiv Bakketun døydde i går, 88 år gamal.
Leiv hadde ymse tillitsverv i idrettslaget opp gjennom tidene, m.a. var han leiar i Vereide il 1950-1953, og 1958-1962.
Leiv har alltid vore interessert i idrett generelt, og Fjellhug/Vereide spesielt, og har nok hatt eit ekstra godt forhold til handballen, der han m.a. trena jentene fram til fleire krinsmeisterskap.
Laget har med Leiv Bakketun sin bortgang mista ein idrettsinteressert og folkeleg æresmedlem.
|
|
|
|
MOBILTELEFON INNSAMLINGA; utsett frist
 Siste frist for innlevering av brukte og øydelagde mobilar: Fristen utsett til 13.mai.
Lever dei på Statoil og hjelp idrettslaget med litt inntekt! Då gjer du også ein god gjerning for miljøet.
|
|
|
|
To frå Fj/V til motbakkeløp i Sogn
Lars Otto Alme og Sverre Nesdal Aske deltek laurdag på motbakkeløpet Storehaugen Opp i Lærdal.
Storehaugen Opp er første løpet i motbakkekarusellen i Sogn og Fjordane, der dei to andre løpa er Hovlandsstøylen opp 3. juni i Eikefjord, og Svinestrandløpet her på Sandane 9. juni.
Les hele saken... |
|
|
|
Terminliste for Sogn og Fjordane Friidrettskrins
Her er terminlista for Sogn og Fjordane Friidrettskrins. Skriv den gjerne ut, så har du den tilgjengeleg! Etter ei stund hamnar den i Arkiv her på heimesida, då kan du sjølvsagt bla deg nedover og finne den der. Link til terminlister finn du her
Les hele saken... |
|
|
|
3 veker til NM Kappgang
 Tida går fort, og det nærmar seg tid for NM kappgang i Sandane-gatene. Arrangementskommitèen har full kontroll, funksjonærlister er sett opp, og sendt ut, invitasjonen er komen på Friidrett.no, og no manglar vi berre god temperatur i lufta.
(Biletet: Arrangørens eigen eminente kappgangar Merete Helgheim, er rapportert bokstaveleg tala i "godt gjenge"!)
Les hele saken... |
|
|
|
Gloppe-Trimmen, Runde 3
Like mange som sist; i kveld var det også møtt opp 126 til trimkveld. Og i kveld var det kanskje nokon ekstra som møtte sidan Gloppen Helselag hadde samarrangement med oss med sin Hjartemarsj. Kanskje ser vi nokon av desse igjen seinare? Lister over konkurranse og trim, samt liste for alle tre konkurransane finn du under:
Les hele saken... |
|
|
|
Stor utmerking til Odd Bjørn
 Odd Bjørn Hjelmeset har i dag fått tildelt Ekebergs Ærespris, som er noko av det gjevaste ein idrettsutøvar kan få. For å få den må du ha vore i verdstoppen i ein idrett, samt å vere god på nasjonalt nivå i ein annan idrett.
Ski er sjølvsagt hovudidretten til Odd Bjørn, men han har også hatt mange flotte prestasjonar på friidrettsbana, med bronse på 3000 m hinder i NM 1999 eit høgdepunkt.
Fjellhug/Vereide gratulerer vår gode idrettsambassadør med den store utmeringa!
(biletet: Odd Bjørn slik vi også likar å sjå han: I lag med ungar på Kleivane)
Les hele saken... |
|
|
|
Friidrettsskulen: Seriestemne på Idrettsplassen
 Fjellhug/Vereide hadde flytta Friidrettsskulen inn på Idrettsplassen på Sandane denne tirsdagen, og det var 30 sprekingar som møtte fram. I tillegg kom fire frå STIL, som ikkje startar opp friidrettstreninga før etter 17. mai.
Så kjekt med stemne at vi kanskje skal dra på eit stemne utanbygds før Sparebankleikane, som går i 29/6-1/7 ?? Dette må vi kome tilbake til, når/dersom vi får nokre tilbakemeldingar frå foreldra.
Resultat frå stemnet:
Les hele saken... |
|
|
|
O-trening onsdag 9/5.
Denne gongen brukar vi terrenget i Mona, og møtest i Åsavegen ved barkeløypa kl. 1800.
|
Hjem
Kontakt oss