Innbyding til k-løp Rotekoppen 2012

Breimsbygda IL inviterer til krinsløpet Rotekoppen onsdag 23.mai kl. 19.00.

Frammøte ved Høygardane. Det vert merka frå E39 ved Hetle bru og R 60 ved Øvreset.

Rotekoppen er eit fellesstartløp med kartbyte for 3 og 5 km. Elles vanlege o-løyper. Det er 30 min å gå til start.

Påmelding seinast 18.mai til Jannicke Felde, 6827 Breim på epost jannfe@online.no eller på tlf 95 13 33 63.

Påmeldingsavgift: opp til 16 år: 65 kr (+30kr ved etterpåmelding). Frå 17 år: 110kr (+60 ved etterpåmelding).

Komplett invitasjon er utlagt nedanfor:

Innbyding til o-løpet Rotekoppen 23.05.2012

Kart og kompass -noko for deg?

Orienteringsgruppa arrangerer nybyrjarkurs i orientering for born (frå 3.klasse) og vaksne.

Tysdag 15.mai kl.18.00-20.00 på Tonning skule.

Tysdag 22.mai kl.18.00-20.00 på leikeplassen i Kreklingen.

Søndag 3.juni:"Finn fram dagen" på Ullsheim

Deltakarane må ha med uteklede/-sko.

Møt opp! Dette kan bli starten på noko nytt og spennande. Kurs er ope for alle og det er ikkje krav om medlemskap for å bli med!

Velkomne!

Klart for nær-o-løp nr 2 torsdag 10.mai!

Eid OL står som arrangør for årets andre nær-o-løp torsdag 10. mai. Starttidspunktet er som vanleg kl.18.00.

Løpet er eit parkløp/kortdistanseløp, og vert arrangert i Malakoff. Startstaden er ved det gamle Televerket. Løpet har N-, C- og A-løyper samt småtroll-løype.

Startkontingent: kr 40 for vaksne og kr 20 for born under 16 år.

Resultatliste for nær-o-løp nr 1.

Oddrun Hjelmeset Kirkeeide var ein av deltakarane på årets første nær-o-løp. Foto: Margunn Hjelmeset (Teke på finn-fram-dagen 2011)

Årets første nær-o-løp vart arrangert av IL Veten 3.mai. Trass litt surt vêr stilte det opp 29 løparar. 15 av desse kom frå Markane IL. Åshild Sætren Bøe vart vinnar av den 2,5 km lange B-løypa. Aslaug Thingnes Bø kom på fjerdeplass i same klassa. I den 4 km lange A-løypa kom Per Øen på andreplass. Vinnar av klassa vart Kjell Ove Bergset frå IL Veten. Komplett resultatliste frå løpet er lagt ut nedanfor.

Resultatliste nær-o-løp nr 1 Dato 03.05.2012 Arrangør IL Veten

Krinsløpa starta også opp denne veka. Markane IL hadde ingen som stilte opp verken i Sunnfjordorienteringa eller Førdebodstikka,men resultata i løpa er lagt ut nedanfor. Neste krinsrenn er "Rotekoppen" i Breim 23.mai.

Resultatliste Sunnfjordorienteringa 01.05.2012

Resultatliste Førdebodstikka

Stor deltaking i 1.mai-løpet på Åheim!

Klassa for gutar 12 i fint driv under 1.mai-løpet på Åheim. Foto: Åheim IL

1.mai-løpet vart arrangert for 53. gong av Åheim IL. Det var god deltaking, og inkludert dei yngste rekruttklassane var nærare 200 løparar i aksjon. Løypelengda varierte frå 230m for dei yngste til 3 km i seniorklassane.

Markane IL hadde fem deltakarar med i årets løp. I rekruttklassane deltok Oddrun Hjelmeset Kirkeeide i jenter 7 år og Maren Hjelmeset Kirkeeide i klassa for jenter 9 år. Dei tre andre markaneløparane konkurrerte alle i klassa gutar 12 år som var den største klassa under løpet. Det vart svært jamnt i mål. Simon Hjelmeset Kirkeeide kom i mål til ein fin andreplass på tida 2 min 45. Han var berre 1 sekund bak klassevinnar Even Nesgård frå Fjellhug/Vereide. Marius Heggdal Olsen vart nummer fem med tida 2 min 51 og Eskil Solheim Kveen nummer sju med tida 3 min 2 sek.

Fullstendig resultatliste er lagt ut nedanfor.

Resultatliste Åheimløpet 01.05.2012

Innbyding til o-festivalen 2012

Øystre Slidre IL og O-festivalalliansen i Oslo/Akershus inviterer til Norsk O-festival 2012 på Beitostølen 22.-24. juni.

Påmelding via http://eventor.orientering.no/Events seinast 11.juni kl.23.59. Siste frist for etterpåmelding er 20. juni.

 Stemplingssystem: EMIT stemplingssystem. Hugs å oppgje brikkenummer.

Påmeldingsavgift: D/H 10-16 år kr 120 pr løp. (Etterpåmeldingsavgift 13 år og oppover kr 60)

Eliteklassar jr og sr kr 240 pr løp. Øvrige klassar frå D/H 17-: kr 240 pr løp. Etterpåmeldingsavgift i desse klassane er kr 120.

N-open kr 120 pr dag og direkteløyper kr 180 pr løype. Lagkonkurranse (3-5 løparar pr lag): kr 360

Innbydinga til årets o-festival er lagt ut nedanfor:

Innbyding til o-festivalen 2012

God deltaking i årets Oldestafett.

Markane sitt herrelag kom på tredjeplass i Oldestafetten. Frå venstre: Sigbjørn Fænn, Runar Netland, Johannes Thingnes Bø, Jarle Midthjell Gjørven og Johan Eirik Meland. Foto: John Roger Meland

29 lag stilte til start i den 58. Oldestafetten. I tillegg deltok 9 lag i ministafetten. Markane IL hadde i alt fem lag med, tre gutelag, eitt herrelag og eit i open klasse.

I guteklassa sprang Markane I inn til ein fin sjetteplass. Det var svært jamnt og det skilde berre 10 sekund fram til vinnarlaget Hornindal II. Markane II kom på ein 9.plass medan Markane III vart 11.

I herreklassa kom laget frå Markane på ein tredjeplass. Jølster  IL vann klassa. Det vart også tredjeplass til "Skiskyttarmødrene" som stilte opp i open klasse. Vinnar her vart "Fabelaktige fem".

Markane hadde heller ikkje i år med lag i jente- eller dameklassa. Vinnar av jenteklassa vart STIL medan GFIL gjekk til topps av damelaga.

"Skiskyttarmødrene" kom på tredjeplass i open klasse. Frå venstre: Aslaug Thingnes Bø, Ingrid Meland, Margunn Hjelmeset, Magnhild Hauge og Kari Tonning. Foto: John Roger Meland

Resultat Oldestafetten 2012

Fleire foto nedanfor:

Har du sett orienteringsbukkane våre??